Home > Statements > فاروق رحمانی کی طرف سے فوج کے ہاتھوں بانڈی پورہ کے نوجوان کے قتل کی شدید مذمت

فاروق رحمانی کی طرف سے فوج کے ہاتھوں بانڈی پورہ کے نوجوان کے قتل کی شدید مذمت

 

 

 

ہندوستانی فوج منظم سازش کے تحت کشمیریوں کا خون کررہی ہے۔
اسلام آباد26جولائی(پ ر)
جمو ں وکشمیر پیپلز فریڈم لیگ کے چیئرمین محمد فاروق رحمانی نے ہندوستانی فوج کی آر آر 27پاری بل کیمپ آلوسہ بانڈی پورہ کے ہاتھوں بے گناہ نوجوان ہلال احمد ڈار کے قتل کی شدید مذمت کی ہے۔ 
محمد فاروق رحمانی نے کہا کہ کشمیرمیں بے گناہ شہریوں کا قتل بھارتی فوجیوں اور پولیس اہلکاروں کا معمول بن چکاہے۔ انہوں نے کہا کہ بھارت مقبوضہ کشمیر میں طاقت کے ذریعے غیر قانونی قبضے، فوجیوں کی تعیناتی اور کالے قوانین کے تسلسل پر یقین رکھتا ہے۔انہوں نے کہاکہ کشمیر میں نوجوانوں کو گھروں سے پکڑ کر لیا جا تا ہے اور انہیں بندوق گلے میں ڈال کرگولیوں کا نشا نہ بنا دیا جاتا ہے اور پھر اعلان کیاجا تا ہے کہ یہ فوج کے ساتھ لڑائی میں مارے گئے۔ جس کی تازہ مثال ہلال احمد ڈار ساکن آلوسہ بانڈٰ پورہ کی ہے جو ایک سیمنٹ فیکٹڑی میں ملازم تھا اور گھر کا واحد کفیل تھا۔
محمد فاروق رحمانی نے کہا کہ کشمیرمیں جو کچھ ہو رہا ہے وہ انتظامیہ کا اخلاقی دیوالیہ پن ہے۔ انہوں نے کہاکہ بھارت نوازجماعتیں خود ساختہ انسانی اقدار اور اچھی حکمرانی پر محض تقاریر کرتے ہیں لیکن کشمیریوں پر بھارتی پولیس کے ظلم و ستم اور تشدد پر خاموش ہیں۔انہوں نے کہا کہ بھارت انتہائی مذموم عزائم رکھتاہے اور مقبوضہ علاقے میں اس کا ظلم و ستم مزید بدترین شکل اختیار کر سکتا ہے۔ انہوں نے اقوام متحدہ، اسلامک کانفرنس تنظیم اور انسانی حقوق کے عالمی اداروں پر زور دیا کہ وہ بھارت کے مکروہ عزائم کا نوٹس لیں۔

 

 

 

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: